شعر شعبي عراقي ٢٠١٧
المايندل خيالي بروحي مااخليه
ومايرهم عليه لو نفس جيته
التعداني بحلم يلگاني عابر ليل
الفجر گبل الشمس بعيوني وشلته
المايشتاگلي ينترس حظنه فراگ
على الملگه من اسولف مااذكرته
بيها وداع روحي يكفي كل الناس
وخسرها الچان ضنه الروح خاسرته
الهوى يلتم عليه منين ماذكروك
وادگ رجلي واضل بعازة الخنگه
اغص بريحتك ماگمت اغص بالزاد
المفارگ النسمه العابره تغرگه
مو بس الصواب النفس هم كتال
سهم يمشي الخريف بريه الورگه
نيتك صافيه وتعرف شلون تروح
تندل ياحلم من ليلك تشگه
شعر شعبي عراقي ٢٠١٧
